"BESTIARIU"

La música facilita l'aprendizaxe de  cualesquier llingua, cola música deprendemos más y meyor, d'un mou más divertíu y prestosu. 

Poro,  dende l'area de Llingua tamos aprovechando un recursu perprestosu, trátase del discu "Bestiariu" que s'editó esti mes d'avientu y ...

              ¿ a que no sabéis a quién-y lu traxeron los reis ? 

¡Foi a Nora Labastida de cuartu de Primaria!

Nora explicónos qu'esti trabayu titúlase "Bestiariu" porque ye como un catálogu d'animales,  y ta formáu por un conxuntu de 10 temes nos que los protagonistes son animales. Por exemplu, podemos alcontrar: un llobu bonu que nun te quier dicir quién ye, un catasol vagu que nun ye a ponese de pies, dos oricios con raigañu en Verdiciu, un gochín que come cereales mirando’l mar,  una sacavera que xuega a les cosadielles o un mur skater col que vas conocer les partes d'un molín.

¡Gracies Nora por compartilo!

Dexóvos el videu d'esta músiquina prestosa, n'asturianu  y pa tola familia. Resultáu del bon facer de 10 grupazos de la talla de Felpeyu o Dixebra.

Que lo disfrutéis.