N' ASTURIANU PRESTA

"N' asturianu presta" ye una seición del suplementu Escolinos que asoleya'l periódicu La Nueva España. Amás de otres noticies d'actualidá , esti requexu ye una mena de  dar a conocer la gran cantidá y calidá d'obra lliteraria escrita n' asturianu pa rapacinos. Una bona escusa pa desarrollar el gustu poles creaciones artístiques y fomentar l' hábitu llector.

El pasau miércoles, 18 de payares espublizáronse les semeyes de dos escolinos d' esti colexu. Ye xustu dicir que salieron mui guapos. 

Martin escoyó' l llibru Revoltixu mitolóxicu, ye un llibru  bien bien guapu que gusto muncho cuando lu traxo a  la clas de Llingua.  Recordamos y falamos de munchos de los personaxes de la mitoloxía, tamién fue prestoso camudayos les partes del cuerpu.

El llibru d'Ana, tamien mui prestosu,  ye’l primeru de la colección Bonos principios . Anque cuesta imaxinar cómo podíen existir les coses enantes de nacer nosotros,  la verdá ye que la tierra nun esperó por naide pa ponese a dar vueltes...Ta dirixiu pa nenos de 4 a 9 años.