SAMAÍN

La fiesta de Halloween tien l´orixen na celebración celta del Samaín, que diba de la nueche del 31 d´ochobre al 1 de payares.
N´Asturies, na nueche de difuntos lo tradicional yera escoyer  les calabaces o nabos  más grandes de la güerta , facer un furacu asemeyando una calavera y poner una vela dientro p´asustar a la xente. Dalgunos más curiosos, poníen  tamién como barbes el pelo la panoya y como dientes les pebites de les calabaces.
Nun ye nada nuevo n´Asturies  la costume d´amazcaritase nesta nueche, a vegaes  poníase un pañuelu blancu enriba del calabazón asemeyando  a les ánimas del purgatoriu o la güestia y amedranar más tovía a los vecinos del pueblu.