El pasáu vienres, 25 de setiembre, tuvimos el prestar de volver cuntar cola presencia de Hector Braga.
Nesta ocasión, esti músicu y cantante asturianu entamó el so conciertu, tituláu "Los soníos d'Asturies", falando de la hestoria d'Asturies y de los sos conceyos p'amosar de siguío, los primeros preseos musicales del ser humanu y de la so presencia en distintos monumentos del prerrománicu asturianu.
Daqué que llamo l'atención de los neños foi'l zurrón de cabritu del cual foi sacando, tocando y estremando preseos de cuerda y de percusión.
Dientro de los de cuerda la protagonista foi la bandurria y como preseos de percusión destacó un bon manexu de los idófonos, y dientro d'estos los domésticos como pueden ser les manes o les cuyares.
Dellos voluntarios tamién lo fixeron perbién y acompañáronlu nel cantar tradicional asturianu "La panadera". ¡Mirái!
El restu del tiempu foi dedicáu a la gaita, primero vimos como ye la gaita de rabil y dempués conocimos caúna de les partes de la gaita tradicional. Remató la xornada como non podia ser d'otra manera col himnu d'Asturies.
No hay comentarios:
Publicar un comentario