Enantes de que nos llegara d’Estaos Xuníos la fiesta de Halloween, n’Europa yá se celebraba la nueche los muertos col nome de “Samaín”.
Esta fiesta, paez ser que ye d’orixe celta y festexaba’l cambiu d’estación, de la seronda al iviernu.
Nesta celebración vaciábense nabos y calabaces y metíense dientro veles.
Esto nun ye nuevo n'Asturies, ye bono saber que yá antaño n’Asturies, na nueche de difuntos, poníense estes calabaces nos cruces de los caminos p'asustar a lo vecinos y los neños diben pidiendo llambionaes peles cases del pueblu.Pa saber más pincha nesti enlláz
CANCIÓN TRADICIONAL
Ánimes del purgatoriu
Ánimes del purgatoriu
son les que tan a to puerta
si-yos das una llimosna
la gloria vas tener cerca.
Pacullá tendrás pá o ma
o dalgún hermanu vuestru
si-yos das una llimosna
dámosla cristianu llueu.
Peles animes bendites
recemos un padre nuestru
nosotros como vosotros
nel mundu tamos viviendo
cuanto menos lo pensamos
la muerte nos corta'l filu.
Ánimes del purgatoriu
nun nos tengáis a la espera
siendo bonos tola vida
mercemos otra antera.
Ánimes del purgatoriu
equí tamos esperando (...)
(Textu sacáu de la comprensión oral de la audición La fiesta los muertos del programa Nomes d'Asturies de la tpa)
No hay comentarios:
Publicar un comentario