Campaña de matriculación n’asturianu y gallego-asturianu. Cursu 2016-2017

Pa más información pincha nel enllace
https://www.educastur.es/-/campana-de-matriculacion-n-asturianu-y-gallego-asturianu-cursu-2016-2017

CANTARES DE.......Y PA NEÑOS

La música asturiana cuenta con bien de cantares tradicionales  que  la radio y la televisión fueron arrequexando col tiempu, faciendo que la xente los escaeciera. De manera que, d’entós p’acá, delles xeneraciones d’asturianos perdieron dafechu’l contactu con ellos, a nun ser nel círculu familiar o d’amistá más cercanu.

Dar a conocer parte d´esos cantares foi'l motivu de la celebración d'esti conciertu didácticu que se desendolcó gracies a l'Axenda Didáctica Escolar.
Fernando Valle Roso y Silvia Moreno Suárez , acompañaos d’un instrumentista, ficieron que los escolinos participaren activamente a lo llargo de más d’una hora col fandangu "Riu Verde", con una rumba  "La rumba del Caudal", la danza "Monxina a la fuerza" o Xirandiyes como "La romería de San Andrés" ente otres... 

¡Tuvo perguapo!

 

CUENTINOS DE TERCERU

La mio hermana Xana

Aventures d´una pita pinta

CUENTINOS DE TERCERU

Una pita que quería dir al colexu

El misteriu la incubadora

AVENTURES DEL QUIXOTE

La nuesa llingua súmase al mediu centenar d’idiomes a la que se tornó la obra de Miguel de Cervantes. D´ente toles obres y  nel casu de los llibros infantiles, cuntamos con  una escoyeta de testos de María Esther García López  titulada Aventures del Quixote,  que foi otra de les actividaes que tuvieron protagonismu nesta  Selmana de  les Lletres Asturianes.
De siguío amuésase la  so llectura  polos alumnos y alumnes de quintu cursu. 
¡Que vos preste!


                            

KAMISIBAI PA CELEBRAR LA SELMANA DE LES LLETRES ASTURIANES

Kamishibai, qu'en xaponés quier dicir “teatru de papel", ye un teatru tradicional xaponés que s'usa pa cuntar hestories a los neños. Por aciu unes llámines ilustraes el narrador va cuntando un cuentu amosando los dibuxos según va asocediendo la hestoria.

Nesta selmana,  dedicada a les lletres asturianes, aprovechóse  esta fascinante tradición milenaria  pa fomentar el gustu pola llectura n´asturianu.

Esta ye una de les interpretaciones que ficimos en clase. ¡Que vos preste!

DÍA DE LES LLETRES ASTURIANES

Dientro de la XXXVII Selmana de les Lletres Asturianes güei, 6 de mayu, celébrase'l  Día del llibru asturianu.
 En dellos establecimientos de les distintes ciudaes, podemos mercar discos y llibros con un 10% descuentu, amás podemos llevar de baldre los llibros conmemorativos de la Selmana de les Lletres Asturianes, 'Que nun se pierda nel aire' y 'Que nun se perda nel aire'. 

 

Nesti sen, esti añu la IV Feria del Llibru y el Discu n'Asturianu celébrase  na plaza Domingo Álvarez Acebal, n'Avilés. Con cada compra el visitante va poder disfrutar de delles actividaes.
Destacar  un cuentacuentos a cargu d'Irene García esti sábadu a les 12 hores con una sesisón , pa siguir con un taller infantil colos 'Mitos d'Asturies' del llibru de Paco Abril. Irene García va repetir el cuentacuentos a les 5. 30 h.


 Pa echar una güeyada a toles actividaes pensaes pa facer homenaxe a la lliteratura y música n'asturianu consulta'l programa d'actos na web del Serviciu de  Política Llinguística.